Alinsunod sa Memorandum Circular (MC) 2020-071, magbubukas ng karagdagang 16 na Traditional Public Utility Jeepneys (TPUJ) routes ang Land Transportation Franchising and Regulatory Board (LTFRB), na magbibigay ng dagdag na 816 TPUJ units na tatakbo sa Kalakhang Maynila simula ika-11 ng Nobyembre, 2020.

Narito ang mga sumusunod na modified TPUJ routes na magbubukas bukas base sa MC 2020-071:

T276 Edsa/Shaw Blvd – E. Rodriguez (Brgy. Ugong), Vargas Ave.
T277 Edsa/Shaw Blvd – E. Rodriguez /Ortigas Ave.
T278 Edsa/Shaw Blvd – E.R. Ort via Shaw Blvd
T279 Edsa/Shaw Central – Pateros
T3180 Dapitan- Libertad via Mabini
T3181 Dapitan- Pasay Rtda via L. Guinto
T3182 Del Pan – Guadalupe
T3183 Divisoria – Pasay Rtda via L. Guinto
T3184 Divisoria – Punta via Sta. Mesa
T3185 Libertad – QI via L. Guinto
T3186 Malanday – Pier South
T3187 Proj. 2&3 – Remedios via E. Rodriguez
T440 Filinvest City Located at Alabang, Muntinlupa
T441 Kabihasnan – Sucat
T442 Nichols – SM Mall of Asia via Macapagal Ave
T443 Sucat – Market Market (Fort Bonifacio, Taguig)

Maaaring bumiyahe ang mga roadworthy PUVs na may valid at existing Certificate of Public Convenience (CPC) o Application for Extension of Validity, at kinakailangang nakarehistro sa Personal Passenger Insurance Policy ang bawat unit sa mga rutang nakapaloob sa MC.

Bilang kapalit ng Special Permit (SP), mayroong QR Code na ibibigay sa bawat operator na dapat ilagay sa short bond paper at ipaskil sa PUV. Mada-download ang QR Code mula sa official website ng LTFRB (https://ltfrb.gov.ph/).

Muling pinapaalala ng ahensya na walang ipatutupad na taas-pasahe sa mga naturang TPUJ, maliban na lang kung ipag-uutos ito ng LTFRB.

Dagdag pa riyan, istriktong ipatutupad ang mga sumusunod na “7 Commandments” sa lahat ng pampublikong transportasyon, na ayon sa rekomendasyon ng mga health experts:

1) Laging magsuot ng face mask at face shield;
2) Bawal magsalita at makipag-usap sa telepono;
3) Bawal kumain;
4) Laging panatilihin ang maayos at sapat na ventilation sa mga PUV;
5) Laging magsagawa ng disinfection;
6) Bawal sumakay ang mga pasaherong mayroong sintomas ng COVID-19 sa pampublikong transportasyon; at
7) Laging sundan ang panuntunan sa physical distancing (“one-seat apart” rule).

Pinapaalala rin ng LTFRB sa mga TPUJ na sundin ang mga patakaran ng ahensya. Ang sinumang mahuli na lalabag sa mga probisyon ng MC ay papatawan ng kaukulang parusa, tulad ng pagmumulta at pagkatanggal ng kanilang ng CPC o PA.

Narito naman ang bilang ng mga ruta na binuksan sa loob at labas ng Metro Manila at bilang ng mga PUV na bumibiyahe sa mga naturang ruta simula noong ipatupad ang General Community Quarantine noong 01 Hunyo 2020:

  1. TRADITIONAL PUBLIC UTILITY JEEPNEY (PUJ)
    Bilang ng mga rutang binuksan: 387
    Bilang ng authorized units: 33,979
  2. MODERN PUBLIC UTILITY JEEPNEY (PUJ)
    Bilang ng mga rutang binuksan: 48
    Bilang ng authorized units: 865
  3. PUBLIC UTILITY BUS (PUB)
    Bilang ng mga rutang binuksan: 35
    Bilang ng authorized units: 4,499
  4. POINT-TO-POINT BUS (P2P)
    Bilang ng mga rutang binuksan: 34
    Bilang ng authorized units: 387
  5. UV EXPRESS
    Bilang ng mga rutang binuksan: 118
    Bilang ng authorized units: 6,755
  6. TAXI
    Bilang ng authorized units: 21,436
  7. TRANSPORT NETWORK VEHICLES SERVICES (TNVS)
    Bilang ng authorized units: 25,068
  8. PROVINCIAL PUBLIC UTILITY BUS (PUB)
    Bilang ng mga rutang binuksan: 20
    Bilang ng authorized units: 459
  9. MODERN UV Express
    Bilang ng mga rutang binuksan: 2
    Bilang ng authorized units: 40